1345 Photoen online: ( click on picture )

https://photos.google.com/share/AF1QipOWMA5V7raQ-Ojafc1LhNU6aNIoIU92Vs2xjJes1ELH4FQhK4zYFTBDF9KHF2ht-g?hl=de&key=T2xwdm53WTB2c3d4bmxMR2pCS0JRWm9UUlAxemNn



Found after the Trail: 
please contact 691 75 85 95


























595 Biker ob de 4 Strecken



Villmools Merci fir dee grousse Luef dee mir vun iech kruten. Mir ginn dee Luef direkt a voller Houfert weider un all déi fräiwëlleg Leit aus dem Duerf, eise Familljen an eisem Frëndeskrees. Ouni si wier eisen Trail net ze stemmen a bei wäitem net esou animéiert a familiär.

D'Starter droen awer selwer ee Groussdeel zu der Ambiance bäi. Mat bal 600 Starter hu mir der méi wéi jee dierfen zerwéieren. Dat maache mir mat vill Freed, well:
- Mir haten ni sou wéineg Dréck wéi dëst Joer opzerafen!
- Nach ni waren d'Leit esou ziviliséiert op de Weeër, an der Hal a beim Parken!
- Nach ni ware sou vill Kanner ënnert iech!
- Nach ni si sou vill Leit bei der Belounung (et ass kee Ravi an et gëtt och ni keen!) vum Zebra stoe bliwwen! Och wann se deelweis vun de Mini-Zebraen dozou genéidegt goufen.
- De Verbrauch un Hunnegdrëpp an Haribo (keng Zuelen!) weisen, dass Bididu säi Publikum fonnt huet. Oder war et ëmmgedréint?
- Merci fir déi vill bezuelte Bididu-Protokoller, déi elo dem Nowuess-Polizist seng Ausbildung erlaben.
- Merci fir déi vill flotte Gespréicher, wann dir op de Statioune stoe bleift fir iech verwinnen ze loossen.

Luef weist engem, dass de Wee deen ee geet dee richtegen ass. Et ass awer net duerch de Luef wou ee sech verbessere kann, mee duerch konstruktiver Kritik. Dofir deelt eis gär mat wat dir iech fir eventuell weider Editioune wënscht. Mir maachen zwar nawell wat mir wëllen, mee gesot ass gesot!

Eng eenzeg Kritik krute mir awer, déi mir un eis Starter solle weiderginn. Wann dir mam Auto eist Evenement verloosst, da verhaalt iech och op der Strooss sou ziviliséiert a respektvoll wéi virdrun am Bësch. Vereenzelt soll dat net de Fall geewierscht sinn. An dann hale ech schonns mam Jéimeren.

Nach eng Kéier ee riseg grousse Merci fir ee gelungen… oh ... gelongenen BIDIDU-Trail 2017 an hoffentlech bis d'nächst Joer um 10. Mee 2018!!